ÚFF.....

Þessi frábæra tilfinning er ekki alveg til staðar lengur  sem er nú bara frekar fúlt. En er búin að vera reyklaus í 6 daga fyrir utan að hafa sprungið á limminu seint í gærkvöldi  og fengið mér eina sígó en gat ekki reykt hana alla vegna þessa að hún var ekki svo mjög góð .  Mikið hrikalega er þetta erfitt, hvers vegna í andskotanum var maður að byrja á þessum óþverra á sínum tíma. Skammastu þín !!   Málið er að breyta út af vananum en það er nú ekkert hlaupið að því, maður tengir sígarettuna við allt, reyndar er það kannski ekkert skrítið eftir að hafa tottað hana í ca 23 ár. Hef verið að pússla 1000 bita pússluspil svona til að gera eitthvað annað, svo þarf að passa sig að leggjast ekki í nammið, keypti um daginn Makkintosh og það hefur gengið of vel á dósina. Hin dósin verður þó geymd til jóla.

Annars er svo skrítið að þegar ég byrja að tala um reykingar þá er mig farið að langa í eina núna, enda var það einn vaninn að sitja við tölvuna með öskubakkann og sígarettupakkann mér við hlið.

Æji læt þetta duga í bili, er að verða pirruð á öllu þessu reykingartali. Svo ég kveð þar til næst.

Húsfrú

Þetta er krípí.....

... það er bara krípí  að mig langi ekki í sígarettu. Ég get ekki hugsað mér að kveikja í rettunni, finnst það bara skelfileg tilhugsun  en það er náttúralega bara hrikalega gott mál og ég er mjög glöð með það   Ef þetta heldur svona áfram þá er ég sko í góðum málum. Svo hugsa ég með mér hvers vegna í andsk... gerði ég þetta ekki fyrir mörgum árum, ef ég hefði gert það þá væri ég kannski milli, þeas ef ég hefði lagt peninginn til hliðar.  Svo nú er bara að vona að þessi frábæra tilfinning haldi áfram að vera hér hjá mér.

Kveð að sinni, Húsfrúin sem er orðin reyklaus :) 

"Reyklaus" dagur í dag

Það má eiginlega segja að þessi dagur hafi verið reyklaus, fyrir utan 3 bragðvonda  smóka í morgun. Fór svo í dag kl 2 í nálastungu númer 3, og mig hefur ekki langað í sígó í allan dag  og mikið er það notaleg tilfinning.

Fyrir þá sem hafa verið að velta fyrir sér hver og hvar þessi kínverji er, þá eru þeir nokkrir og eru staðsettir á nuddstofunni á Hafnargötunni í Keflavík (uppi hjá VÍS). Þeir eru reyndar snillingar að mínu mati, þó nuddið sé vont þá er það samt svona vont gott... æji svona þægilega óþægilegt. Eða bara gott eftir á.

Þá er heilinn að sofna og ég læt þetta duga þar til á morgun :)

Kínverjinn reyndi að drepa mig....

...eða þannig lagað, fór í nudd í dag og eftir að kínverjinn hafði gengið ofan á bakinu á mér hélt ég að þetta væri mitt síðasta  Snúið upp á mann og smellt og brakað, er svo aum núna að ég veit ekki hvernig ég á að vera. Eins gott að maður var nýbúinn að fjárfesta í nýju rúmi sem er svo þægilegt að það verður bara gott að leggjast uppí á eftir og hvíla sig . Ætlaði að fá 3ju nálastunguna við reykingar dæminu í dag en þá var ég ekki skráð í það hjá þeim og á að mæta á morgun. Þá bað ég BARA um stunguna EKKI nudd, enda get ég rétt ýmindað mér hvernig ég verð í bakinu á morgun púff.

Ég er ekki alveg að höndla það að hætta að reykja en ég ÆTLA  og reyki nú ekki nema 2-3 sígó á dag og mér finnst það 2-3 of mikið. Vil hætta þessu helv... alveg takk fyrir. Verð frekar pirruð  í skapinu en svo lagast það eftir eina. Ferlega er maður klikkaður í hausnum að halda að nikótínið lagi allt hehe frekar heimskulegt. Manni finnst að manni ætti nú frekar að líða betur að reykja ekki neitt, þessar 2-3 eru ekki einu sinni góðar  fæ svona dofa í hendina og svima í hausinn og hálf illt í magann en samt "verður" maður að kveikja í einni puff nú er maður bara hálfgerður ræfill.

Læt þetta gott heita í bili og bíð góða nótt.

Fór í nálastungu :)

Jæja mín fór í nálastungu hjá kínverjunum svo maður geti nú hætt að reykja   Fór á sunnudaginn og gekk það bara vel. En mánudagurinn fór ekki eins vel með taugarnar  var að springa á limminu og fékk mér eina sígó, kínverjinn sagði að hún ætti að vera vond en mér fannst hún bara nokkuð góð. Fór aftur í nálastunguna á fimmtudaginn og nú smakkast sígaretturnar ekki eins vel. Ég hef verið að fá mér einn og einn smók og hef ætlað mér að fara aftur í stunguna, þá hlítur þetta að takast    Um að gera að vera þolinmóður, ég hef reykt í 23 ár og nokkrum sinnum reynt að hætta og ÆTLA ég að láta þetta takast. Það reynir á þolinmæðina og pirringurinn getur verið svakalegur  en ég er ekki eins pirruð eftir seinni stunguna svo þetta er allt að koma

Kveð að sinni, Húsfrú.

 

 

Prufa :)

Fyrsta færslan, er nú bara að prufa hvernig þetta virkar.